З Новым годам, сябры!

Чакаў сняжынак, нібы птушак

Няўжо сіротамі без снегу

На Новы год мы застанемся,

Няўжо сыпнуць сняжынак нельга

З ранейшых скарбаў шчодрых нечых?

Пытаўся ў ночы да світання.

Яна ж маўчала, ноч нямая,

Трымала звесткі ў нейкай тайне,

Маўляў, тых скарбаў мы не маем.

І тым я боль паклаў на сэрца –

Чакаў сняжынак, нібы птушак

Парой вясновай, ды сустрэча

Збылася толькі між падушак.

Зямля чарнела-зелянела

Ды сном адважыла свой бохан.

Яшчэ прысніўся снежны церам,

А я – з пяром, як перад Богам.

Прачнуўся ранкам – цуд убачыў:

Асыпаў хтосьці белым пухам

Зямны прастор, за што ўдзячны,

Шапнуў пра белы снег на вуха:

Маўляў, хай грэе ён зямельку,

Збірае люд на ёлку зранку…

Араць мы ўмеем і не мелка.

Хай будзе хлеб ды песня з чаркай.

Мікола ПАНАСЮК
31 снежня 2017 года

Навагодняе пажаданне ўсім прыхільнікам

сайта “Беларусь в стихах” ад Надзеі Парчук

Хай год наступны шчодрым будзе

На шчасце, радасць і любоў.

Няхай вас студзень не астудзіць

I люты пройде без вятроў!

А сакавік хай усміхнецца

Празрыстай раніцай мімоз,

Ды красавік ізноў пральецца

Гаючай слодыччу бяроз.

У маі, чэрвені нябёсы

Хай не шкадуюць цеплыні!

Жадаю ліпеньскіх вам росаў

І летняй шчодрай дабрыні!

Каб вераснёваю парою

Вам палымнелі верасы,

Кастрычнік зваблівай красою

Гасцінна клікаў у лясы.

На развітанне лістападам

Хай асыпае восень зноў.

У снежні – снегу будзьма рады...

І так – штогод – да ста гадоў!

А яшча ў Надзеі Мікалаеўны прыемная праднавогодняя навіна з Мінска: кампетэнтнае журы прызнала яе пераможцай Рэспубліканскага конкурсу паэзіі “И вдохновению зелёный свет…», арганізаванага Беларускім саюзам жанчын банка і прысвечанага 95-годдзю ААТ “АСБ Беларусбанк”. Гэта ёй прысуджана I месца з уручэннем дыплома I ступені і грашовай прэміі.

На конкурс шаноўная Надзея Мікалаеўна даслала тры вершаваныя творы. Вось адзін з іх:

А жыццё наўкол віруе

Скрозь жыццё наўкол віруе,

І ляцяць шляхі далей…

Наш Ашчадны банк святкуе

Свой чарговы юбілей.

Калектыў спецыялістаў

Па фінансах і грашах,

Перамог вам прамяністых

На валютных віражах!

Каб у нашае краіне

Эканоміка расла,