Кніжны скарб – ужо багацце

З нагоды выхаду першага тома
твораў Яўгеніі Янішчыц

Ад болю сэрца зашчымела,

Слязінка капнула з вачэй.

О, час імклівы, ачумелы –

Бяжыць шпарчэй, усё шпарчэй.

Том першы – нібы дар ад Бога,

А кожны твор – як Жэнін след,

Якім пазначана дарога

Ад любай Ясельды ў Сусвет.

Такой яшчэ не клаў ніколі

Ніхто ў палескай старане,

Музей у сельскай роднай школе

Збірае творцаў, як раней.

Бо кніжны скарб – ужо багацце,

Яно ж у некалькіх тамах.

Дзе Жэнін верш гучыць у хаце,

Вышэй касы там кожны ўзмах.

Мікола ПАНАСЮК

22.10.2016 г.